នៅថ្ងៃទី២២ ខែកក្កដា ឆ្នាំ២០២៤ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍលំនៅឋានកម្ពុជា បានអញ្ជើញចូលរួមកិច្ចប្រជុំជាមួយក្រសួងរៀបចំដែនដី នគរូបនីយកម្ម និងសំណង់ ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមឧបនាយករដ្ឋមន្ត្រី សាយ សំអាល់ ពិភាក្សាលើប្រធានបទ ក្រុមការងាររាជរដ្ឋាភិបាល និងវិស័យឯកជន "ក្រុមការងារ ឌ" ដែលមានក្រសួងរៀបចំដែនដី នគរូបនីយកម្ម និងសំណង់ ធ្វើជាសហប្រធានជាមួយនឹងសភាពាណិជ្ជកម្មកម្ពុជា បានប្រជុំត្រួតពិនិត្យលើ "វឌ្ឍនភាពការងារ និងលើកទិសដៅការងារបន្តដើម្បីពង្រឹងកិច្ចសហការរវាងរដ្ឋ និងវិស័យឯកជនពាក់ព័ន្ធវស័យរៀបចំដែនដី នគរូបនីយកម្ម សំណង់ និងអចលនវត្ថុ" ក្នុងផងដែរកិច្ចប្រជុំបានបង្ហាញអំពីការចុះបញ្ជីដីបង្ហើយ ការដោះស្រាយបញ្ចប់វិវាទដីធ្លី បញ្ហានៅបុរី បញ្ហាតាមបណ្តាគ្រឹះស្ថានធនាគារ និងមីក្រូហិរញ្ញវត្ថុ ការបង្កើតបរិយាកាសគ្មានវិវាទ និងការផ្តល់សេវាគាប់ចិត្តតាមរយៈការធ្វើបរិវត្តកម្មឌីជីថល។
បន្ថែមពីនោះក៍មានការបង្ហាញអំពី៖
១. បទបង្ហាញស្តីពី “សម្រង់អនុសាសន៍សៀវភៅស ឆ្នាំ២០២៤ របស់ EuroCham”។
២.បទបង្ហាញស្តីពី ”ការចុះបញ្ជីដីបង្ហើយ”។
៣.បទបង្ហាញស្តីពី “សេវាសាធារណៈគាប់ចិត្ត”។
៤.បទបង្ហាញស្តីពី “លិខិតបទដ្ឋានគតិយុត្តលើកការងារពាក់ព័ន្ធវិស័យរៀបចំដែនដី នគរូបនីយកម្ម និងសំណង់”។
៥.បទបង្ហាញស្តីពី “បរិយាកាសមិនមែនវិវាទលើវិស័យដីធ្លីនៅកម្ពុជា”។
៦.មតិបូកសរុបកិច្ចប្រជុំរបស់ ឯកឧត្ដម សាយ សំអាល់ ដោយឯកឧត្ដមនឹងរៀបចំកិច្ចពិភាក្សាជាមួយវិស័យឯកជនបន្ថែមទៀតនៅពេលវេលាណាមួយសមស្រប។