នារសៀលថ្ងៃចន្ទ ១៤ រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៤ នៅទីស្ដីការក្រសួងរៀបចំដែនដី នគរូបនីយកម្ម និងសំណង់ ករោមធិបតីភាព ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រី
ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមប្រឹក្សាគណៈស្ថាបត្យករកម្ពុជា បានដឹកនាំកិច្ចប្រជុំ “ក្រុមប្រឹក្សាគណៈស្ថាបត្យករកម្ពុជា”។
កិច្ចប្រជុំនេះមានការចូលរួមពីអន្តរក្រសួង ដែលជាប្រធាន អនុប្រធាន សមាជិកនិងសមាជិការ នៃក្រុមប្រឹក្សាគណៈស្ថាបត្យករកម្ពុជា និងបណ្ដាស្ថាប័ននានាដែលពាក់ព័ន្ធសរុបប្រមាណជាង ៨០នាក់។
គណៈស្ថាបត្យករកម្ពុជា គឺជាដៃគូដ៏មានសារៈសំខាន់របស់ក្រសួងរៀបចំដែនដី នគរូបនីយកម្ម និងសំណង់ ហើយក៏ជាមជ្ឈមណ្ឌលប្រមូលផ្ដុំទៅដោយបញ្ញវន្ត ដែលជាអ្នកមានវិជ្ជាជីវៈស្ថាបត្យកម្ម និងនគរូបនីយកម្ម ។
គណៈស្ថាបត្យករកម្ពុជា និងគណៈវិស្វករកម្ពុជា ប្រៀបបាននឹងដៃឆ្វេង និងដៃស្ដាំរបស់ក្រសួង ក្នុងការលើកកម្ពស់ អ្នកវិជ្ជាជីវៈ ដោយចាប់ផ្ដើមគិតគូរពី ការរៀបចំស្ដារប្រទេស ក៏ដូចជាការរៀបចំទីក្រុង សំណង់អគារ ការកែលម្អសំណង់ចាស់ៗ លំហសាធារណៈ និងហេដ្ឋារចនាសម្ព័ន្ធ ក្នុងគោលដៅប្រែក្លាយកម្ពុជាឱ្យក្លាយទៅជាស្ថាបត្យកម្មខ្មែរសហសម័យ ។ ដូចនេះគោលនយោបាយជាតិស្តីពី "ស្ថាបត្យកម្មកម្ពុជា " គីជាត្រីវិស័យសម្រាប់ចូលរួមអភិវឌ្ឍប្រទេសជាតិឆ្ពោះទៅឆ្នាំ២០៣០-២០៥០ ។