ក្រុមហ៊ុន ធូ លន រៀលអ៊ីស្ទេត ទទួលបានភាពស្របច្បាប់ក្នុងការវិនិយោគវិស័យសំណង់បុរី លំនៅឋាន
Posted Date : 07-04-2016
សមាគមអ្នកអភិវឌ្ឍន៍លំនៅឋានកម្ពុជា សូមប្រកាសជូនដំណឹងដល់សាធារណៈជនឲ្យបាន ជ្រាបថា ពីបច្ចប្បន្នភាពរបស់៖
ថ្មីៗនេះ មានអ្នកលេងបណ្តាញសង្គម Facebook បានយកអត្ថបទដែលប្រកាស ដោយក្រសួងសេដ្ឋកិច្ចនិងហិរញ្ញវត្ថុ ស្តីពីការជូនដំណឹងដល់សាធារណៈជន កុំឲ្យទិញលំនៅឋានទាំងឡាយណា ដែលមិនទាន់មានអាជ្ញាបណ្ណអាជីវកម្មអភិវឌ្ឍន៍លំនៅឋានពីក្រសួង ព្រោះការទិញលំនៅឋានពីម្ចាស់សំណង់ ឬបុរី ដែលគ្មានការអនុញ្ញាតស្របច្បាប់ អាចនឹងខាតបង់ថវិកា ឬទ្រព្យសម្បត្តិជាយថាហេតុ។ ដោយហេតុថាការបង្ហោះ Facebook តៗគ្នាបែបនេះ ធ្វើឲ្យមានការយល់ច្រឡំ និងធ្វើឲ្យប៉ះពាល់ធ្ងន់ធ្ងរដល់ ក្រុមហ៊ុនមួយចំនួនដែលទទួលបានភាពស្របច្បាប់មកវិញ តាមរយៈសេចក្តីសម្រេចនានារបស់ក្រសួងស្ថាប័នពាក់ព័ន្ធ។ ដើម្បីជៀសវាងការយល់ច្រឡំ ដើម្បីធានាផ្នែកផ្លូវច្បាប់ និងដើម្បីជំនឿចិត្តចំពោះអតិថិជន និងសាធារណៈជន សមាគមអ្នកអភិវឌ្ឍន៍លំនៅឋានកម្ពុជា សូមបញ្ជាក់អំពីបច្ចុប្បន្នភាពថា ក្រុមហ៊ុន ធូ លន រៀលអ៊ីស្ទេត ទទួលបានភាពស្របច្បាប់រួចរាល់ហើយ គឺមិនមានជាប់ពាក់ព័ន្ធនឹងការហាមឃាតពីក្រសួងសេដ្ឋកិច្ច និងហិរញ្ញវត្ថុទេ។
|
|