MESSAGE FROM PRESIDENT

តាងនាមខ្ញុំជាប្រធានសមាគមអ្នកអភិវឌ្ឍន៍លំនៅឋាន​កម្ពុជាខ្ញុំមានសេចក្ដីសោមនស្ស​រីករាយណាស

  STRUCTURE
 HDA FACEBOOK
  HDA VISITOR
  HOUSING DEVELOPMENT ASSOCIATES IS A LEADING PROFESSIONAL AND INVESTMENT ADVISORY FIRM BASED IN CAMBODIA
អ្នកឧកញ៉ា លី ហួរ គោរពជូនពរ សម្ដេចតេជោ ហ៊ុន សែន ក្នុងឱកាសខួបកំណើតគម្រប់៧០ ឈានចូល៧១ឆ្នាំ Posted Date : 09-04-2021

​អ្នក​ឧក​ញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងជាប្រធាន​ក្រុមប្រឹក្សាភិបាល​ក្រុមហ៊ុន លីហួរ គ្រុប បានផ្ញើលិខិតគោរពជូនពរ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសខួប​កំណើតគម្រប់៧០ ឈានចូល៧១ឆ្នាំ។

ក្នុងលិខិតជូនពររបស់អ្នកឧកញ៉ា លី ហួរ គោរពជូនសម្ដេចតេជោនាយករដ្ឋមន្ត្រី បានសរសេរ ថា «ក្នុងឱកាសដ៏បវរ​សួស្ដី សិរីមង្គល ខួបកំណើតគម្រប់៧០ ឈានចូល៧១ឆ្នាំ នៅថ្ងៃទី០៤ ខែមេសា ឆ្នាំ២០២១ ខ្ញុំបាទអ្នកឧកញ៉ា លី ហួរ និងភរិយា ព្រមទាំងថ្នាក់ដឹកនាំ សមាជិក-សមាជិកា សមាគមអ្នកអភិវឌ្ឍន៍លំនៅឋានកម្ពុជាទាំងអស់ សូម​អនុ​ញ្ញា​ត​ចូលរួមគោរពសម្ដែងនូវ អំណរសាទរយ៉ាងក្លៀវក្លាបំផុត ប្រកបដោយមនោសញ្ចេតនារំភើបរីករាយ យ៉ាង​ក្រៃ​លែង គោរពជូនចំពោះ សម្ដេចអគ្គមហាសេនាបតីតេជោ ហ៊ុន​ សែន សូមបានប្រកប​ដោយសុខភាព​ពេញលេញ បរិបូរណ៍ ជន្មាយុយឺនយូរ ប្រាជ្ញាឈ្លាសវៃ កម្លាំងកាយពលមាំមួន ដើម្បីបន្តដឹកនាំប្រទេសជាតិ ឆ្ពោះទៅរក​ចីរភាព​ជានិច្ចនិរន្តរ៍តរៀងទៅ»

ក្នុងលិខិតគោរពជូនពររបស់អ្នកឧកញ៉ា លី ហួរ ដដែល បានសរសេរបន្តថា «ក្នុងទិវាដ៏មហាកិត្តិយសនេះ យើងខ្ញុំ​ទាំង​អស់​គ្នា សូមគោរពកោតសរសើរដ៏ស្មោះអស់ពីដួងចិត្ត ជូនចំពោះសម្ដេចតេជោនាយករដ្ឋមន្ត្រី ដែលជាថ្នាក់ដឹក​នាំកំពូល​មួយរូប ដែលបានលះបង់កម្លាំងកាយចិត្តគ្រប់បែបយ៉ាង មិនខ្លាចនឿយហត់ ពុះពារគ្រប់ឧបសគ្គ ក្នុងការ​ដោះ​​ស្រា​យនូវ​រាល់ការលំបាក គ្រប់បែបយ៉ាងរបស់ប្រជាពលរដ្ឋ នៅក្នុងកាលៈទេសៈ ដែលប្រទេសកម្ពុជា កំពុង​ប្រឈមមុខ​នឹ​ងជំងឺរាតត្បាតកូវីដ-១៩។ ក្រោមមគ្គុទ្ទេសក៍ ប្រកបដោយភាពប៉ិនប្រសប់ និងគតិបណ្ឌិតរបស់ សម្ដេចតេជោ​នាយក​​រដ្ឋមន្ត្រី បានសម្រេចនូវមហាជោគជ័យជាបន្តបន្ទាប់ ពីមួយថ្ងៃទៅមួយថ្ងៃ កាន់តែរីកចំរើន ប្រទេស​ជាតិ​កាន់​តែមានការអភិវឌ្ឍជឿនលឿន បោះជំហានទៅមុខប្រកបដោយសក្តានុពលភាព និងទទួលបាន​នូវកិត្យានុភាព ដ៏ស័កិ្តសមឈរលើឆាកជាតិ និងអន្តរជាតិ ទទួលស្គាល់ ដើម្បីដឹកនាំមាគ៌ាកម្ពុជាឆ្ពោះទៅរក ការអភិវឌ្ឍលើ​គ្រប់វិស័យ»

នៅក្នុងលិខិតជូនពររបស់អ្នកឧកញ៉ា លី ហួរ គោរពជូនសម្ដេចតេជោនាយករដ្ឋមន្ត្រី ជាចុងក្រោយបានសរសេរថា «ក្នុងឱកាសដ៏មហាឧត្តុងឧត្ដមនេះ ខ្ញុំបាទ និងភរិយា ព្រមទាំងថ្នាក់ដឹកនាំ និងសមាជិក-សមាជិកា សមាគមអ្នក​អភិវឌ្ឍន៍​លំនៅឋានកម្ពុជាទាំងអស់ សូមគោរពជូនពរ សម្ដេចតេជោនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ព្រមទាំងក្រុមគ្រួសារ ចៅប្រុស-ចៅស្រី សូមប្រកបដោយពរជ័យ បវរសួស្ដី វិបុលសុខ និងពុទ្ធពរទាំងប្រាំប្រការ គឺ អាយុ វណ្ណៈ សុខៈ ពលៈ និងបដិភាណៈ កុំបីឃ្លាងឃ្លៀតឡើយ»៕